फेर्नेहरुले फेर्दा

एकादेशमा एउटा  राम्रो देश थियो, शान्त देश थियो | सबै जना मिलेर बसेका थिए | रमाइलो थियो | कसैले कसैको डर मान्नु पर्दैनथ्यो | कसैले कसैको पनि केहि बिगार्ने काम गर्दैनथ्यो | सबै सोझा थिए | सबै कुरा राम्रा थिए | एक दिन फेर्नेहरुको  देश बाट केहि अपरिचित व्यक्तिहरु(फिरन्ते)  आए | उनीहरुले ठुल्ठुला   कुरा गरे चाडै धनि बन्ने सपना देखाए | पैसा धेरै कमाउने सपना देखाए | मोज 
मज्जामै जिबन जान्छ भन्ने कुरा बताए | उनीहरुले भनेको मानेमा त्यो स्वर्ग बन्छ भने | बिचरा सोझा त्यहाका बासिन्दा ( जनता ) के के न हुन्छ भनेर उनीहरुको कुरा माने | ती अपरिचितहरु फेर्नेहरु  परिवर्तन चाहन्थे | जे कुरामा पनि फेर्नै पर्छ   भन्थे | केहि कुराहरुमा परिवर्तन नभई कहाँ स्वर्ग जस्तो हुन्छ  भन्ने कुरा गरे | उनीहरुले त्यहाको मान्छेको रहन सहन फेर्न लगाए |  खाने खाना फेर्न लगाए | यस्तो कपडा लगाउनु हुन्न भने लगाउने कपडा फेर्न लगाए | फेर्नेहरुले धेरै फेर्न लगाए, धेरै फेरे,  बुढापाका हरुले बिरोध गरे तर सधै कहाँ उनीहरुको बिरोधको   केहि अर्थ    रहेन  | त्यहाँ  बुढापाका भन्दा तरुण हरु धेरै थिए | मोज मज्जामै जिबन बिताउने उनीहरुको रहर थियो |

      केहि वर्ष बितेपछी त्यो देशमा निक्कै ठुलो परिवर्तन भएछ | भएका पुराना कुराहरु केहि बाकी रहेनछ | पाटी पौवा, स्कुल सबै फेरिएछ |  रात परेपछि कोहि बाहिर निस्कन नसक्ने भएछ | सबै त्रशित अबस्थामा रहेछन |  कुरा के भएछ भने नि फेर्नेहरुको लहैलहैमा लगेर त्यहाका सबै कुरा फेर्दा उनीहरुले बोल्ने भाषा पनि फेर्न थालेछन| अनि सबैको आ-आफ्नै भाषा बनाउन थालेछन | भाषा धेरै फेर्दा त्यो देशको हरेक व्यक्तिले बोल्ने भाषा फरक हुन पुगेछ | अनि एउटाले बोलेको अर्कोले नबुझ्ने अनि अर्कोले बोलेको अर्कोले नबुझ्ने पो भएछ | अनि फसाद परेछ, घरमा बुढाले एउटा भाषा बुढीले अर्कै भाषा बोल्न थालेपछि खाना खान पनि नमिल्ने सम्म भएछ, संगै बस्न सारै अप्ठ्यारो    भएछ | अनि बल्ल थाहा भएछ |

कुरा के भएछ भने नि फेर्नेहरुको लहैलहैमा लगेर त्यहाका सबै कुरा फेर्दा उनीहरुले बोल्ने भाषा पनि फेर्न थालेछन| अनि सबैको आ-आफ्नै भाषा बनाउन थालेछन | भाषा धेरै फेर्दा त्यो देशको हरेक व्यक्तिले बोल्ने भाषा फरक हुन पुगेछ | अनि एउटाले बोलेको अर्कोले नबुझ्ने अनि अर्कोले बोलेको अर्कोले नबुझ्ने पो भएछ | अनि फसाद परेछ, घरमा बुढाले एउटा भाषा बुढीले अर्कै भाषा बोल्न थालेपछि खाना खान पनि नमिल्ने सम्म भएछ, संगै बस्न सारै अप्ठ्यारो    भएछ | अनि बल्ल थाहा भएछ | फेर्नेहरुले देश त निक्कै फेरी दिएछन | अनि सबैलाई महसुस भएछ, नफेरिएकै देश ठिक, पुरानै भाषा ठिक |

हाम्रो देशमा पनि कतै यस्तै नहोस | सबै कुरा परिबर्तन गर्न खोज्दा खोज्दै फेर्नेहरुले फेरेको जस्तै होला | लोकतन्त्र स्थापना भएपछी नेपालमा निक्कै परिवर्तन आएको छ | धेरै ले पजेरो छाडेर हिड्ने भएका छन् | जनता धेरै बाठा भएका छन् ( राम्रो कामको लागि भए त ठिकै हुन्थ्यो ) झुक्याउने छक्याउने काम धेरैले सिकेका छन् | धेरै कुरा फेरिएका छन् | रत्नपार्कको नाम फेरीएर शंखधर उद्यान, सेनाको नाम फेरिएर नेपाली सेना, यस्ता धेरै कुराहरुको नाम परिवर्तन भएको छ |

अरु त अरु पुर्खाहरुले कति विचार गरेर बिश्वका सबै देशका भन्दा फरक बनिएको नेपालको जाँदा पनि फेर्नु पर्यो रे | त्यो झन्डाले के त्यस्तो काम गरेको छ र त्यसलाई फेर्न ? सबै ठाउको नाम फेरियो , लगाउने कपडा फेरियो, दौरसुवाल बाट कोट पाइन्ट टाई अनि ढाका टोपी भयो | गुन्यु चोलोको सट्टा जिन्स पाइन्ट र टिसर्ट भयो | पटक पटक सरकार फेरियो तर फेरिएन कहिलेपनि नेताहरुको मन, उनीहरुको मन सधै सत्ता अनि पैसा मा मात्र भयो | बिकास निर्माण भएन बरु पुराना संरचना पनि फेरियो त्यसका ठाउमा केहि नया बनेन भएका पनि हटाइयो |

अझ कति फेर्न बाकि छ ? जति फेर्छौ नेता हो, फेर, पुराना कुराहरु जति सब्बै फेर, सक्छौ भने एक पटक २-४ बर्षको लागि तिमीहरु पुरानो बानि पनि फेर, क्रान्तिलाई पनि फेर अनि सान्ति बनाऊ, | फेर तिमीहरुको त्यो बानि फेर सधै बिरालो को जस्तो मै खाउ मै लाउ भन्ने बानी फेर | फेर तर विचार गरेर फेर फेरी फेर्नेहरुले फेरेको जस्तै हालत होला | जे फेरेनी फेर तर पुराना महत्वपुर्ण कुराहरु नफेर | बरु फेर्नु नै छ पुराना कुरा भने तिमीहरुको पुरातन सोचाई फेर , फेर्नु नै छ भने तिमीहरु एकलकाट्टे स्वभाब फेर, झन्डा फेरेर केहि हुन्न | राष्ट्रिय पशु पन्छी हरु फेरेर केहि हुनेवाला छैन | फेर्ने भए तिमीहरुको मोजमस्ती गर्ने बानि फेर | यदि साच्चै तिमीहरुको पुरातन सोचाई मोजमज्जा गर्ने बानि फेरौ भने केहि हुने छ पक्कै जनताले चाहेको परवर्तन हुनेछ सकारात्मक परिवर्तन हुनेछ |