अध्यात्म तर्फ -1

            कति भौतिक कुराहरु मात्र हेरिरहने, सुनिरहने, कति यो संसारिक बन्दन मात्र हेरेर बस्ने, कति नेपालको फोहोरी राजनीति मात्रै पढ्ने सुन्ने, कति सुन्ने यीकुरहरु जसले मनलाई सधै असान्त राख्दछ | जिबनलाई हेर्ने जिबन भोग्ने   कस्तो बनाउने आफ्नो जिबन भन्ने कुराहरुको बारेमा चर्चा गर्दा गर्दै म आध्यात्म तिर केहि नजिक भएको छु | आध्यात्मिक चिन्तनको बारेमा सोधी खोजि गर्ने क्रममा  मैले विभिन्न आध्यात्मिक पुस्तकहरु पढ्ने विचार गरे र त्यसै क्रममा म हिन्दु धर्ममा लोकले भगवान भनेका श्री कृष्णको जिबन लिला  पढ्दै छु |

         धेरै रमाइलो लाग्यो अलि कति पढ्दैमा, यहाँ कलियुगको बारेमा गरिएको बर्णनले मेरो मन छोयो | जुन कुरा पुस्तकमा लेखिएको छ त्यो आज देखिदैछ | त्यो नै आज भोगिदैछ |

              के कस्तो लेखिएको छ त कलीको बारेमा भनेर म अर्को पोस्टमा लेख्ने छु |  साच्चै नै धर्म सम्बन्धित यी पुस्तकमा लेखिएका कुराहरु हाम्रो जिबन मा लागु गर्न सके जिबन धेरै नै राम्रो हुने छ | मान्छेको जिबनमा जति कुराहरु हुदै छन्, आजको समयमा भैरहेका कुराहरु हामी त्यो पुस्तकमा पढ्न सक्छौ | यो समय, युगको बारेमा जति कुराहरु लेखिएको छ ती कुराहरु पढेर मनन गर्ने हो, जिबनमा लागु गर्ने हो भने जिबन अबस्य पनि राम्रो हुने देखिन्छ |

                            आजको ब्यस्त सहरी जिबन बाट फुर्सद मिलाएर यसरि धार्मिक पुस्तकहरु पढियो भने त्यस बाट केहि राम्रो कुराहरु सिक्न अबस्य पाइने रहेछ | यी पुस्तक लेख्नेहरु कस्ता थिए होलान जसले आज हामीले जे भोगिरहेका छौ सो कुराको बर्णन कयौ वर्ष अगाडि नै गरिदिएका छन् | 

         मेरो पढाई को क्रम जारि छ | अर्को पटक आध्यात्मिक पोस्ट राख्दा कलि युगको बारेमा गरिएको बर्णनको  बारेमा अबस्य बताउने छु |

                 र अन्त्यमा एउटा प्रस्न तपाइको माझ " भगवान" लाई तपाई कसरि परिभाषित  गर्नु हुन्छः? भगवान को हुन् के हुन् ?